Sørbrandal, Åram
29.-31. juli
2021
Velkomen på festival
Nytt av året er at mykje av festivalen blir utandørs på
kaiområdet ved Tussa sin kraftstasjon på Sørbrandal
Årets artistar
Torsdag 29. juli
Opning Lesekiosk nr. 69 på Årvik ferjekai Familietime på Dalebøen
Allsong på Sørbrandal
Fredag 30. juli
Konsert Omsorgssenteret
Musikk og litteratur
på Sørbrandal
Laurdag 31. juli
Orgelresitasjon Åram kyrkje
Musikk og litteratur på Sørbrandal
heile dagen og kvelden
Musikk
Trioen Arvid Engegård, fiolin, Håvard Svendsrud, trekkspel, og Svein Haugen, kontrabass, held konsert fredagen. Line Dybedal og Odd-Erik Lothe skal fylle laurdagskvelden med sommarlege tonar, og torsdag inviterer vi til allsong med Nina Vedeld Telseth med musikarar. Og det blir konsert med gitarist Stig Ulv, suppekonsert med songar Karen Rosenberg Olsen, pianist Kato Nogva Flem, og orgelresitasjon med Mathias Louis Sørbø.
Litteratur
Ane Barmen frå Vågsvåg i Kinn kommune vann Brageprisen for ungdomsboka Draumar betyr ingenting. På ÅRAM PLUSS møter vi henne i samtale med forfattar Marit Kaldhol. Forfattar Tore Kvæven frå Sirdal hevdar at det han skriv utandørs blir betre enn det han skriv under tak. Vi satsar på at ein samtale også blir betre under open himmel og har engasjert Jan Inge Sørbø til å snakke med han på scena. Laurdagen får vi også møte forfattaren bak pseudonymet Karen Støylen og serien Brenninger.
Samarbeidspartnarar
Vanylven kunstlag, Foreningen !les, Vanylven kommune
Sommarleir
27.-29. juli 2021
TIL DEG SOM BUR I VANYLVEN OG NETTOPP ER FERDIG MED 5., 6. ELLER 7. KLASSE
Har du lyst til å vere med på leir i sommar?
Då kan du melde deg på sommarleiren som skal vere på Åram tysdag 27.–29. juli 2021.
Saman med andre får du vere med på spennande aktivitetar både ute og inne.
Har du spørsmål om leiren, kontakt oss på post@arampluss.no.
Leiren er gratis og inkl. mat og overnatting.
Påmelding så snart som mogleg og seinast fredag 25. juni.
Påmeldinga blir stoppa når leiren er fullteikna.
Program for leiren blir sendt ut når vi har fått nok påmelde og påmeldingsfristen er gått ut.
Leiren er eit samarbeid mellom festivalen Åram pluss, Vanylven kommune og frivillige organisasjonar i Vanylven,
og er støtta økonomisk av Bufdir.